إمتىَ
أسد الشعر العربي ( جمال
الشرقاوي )
أغنية - إمتىَ -
من قصائد الشاعر - جمال
الشرقاوي -
حقوق الطبع و النشر و التوثيق محفوظة للشاعر \ جمال الشرقاوي \
إمتىَ
نقول للدنيا لاْ
للشر لاْ
للحزن لاْ
إمتىَ الحب فــ القلوب
يثور على كُره الجُناهْ
إمتىَ أصحاب اليمين
يحكموا أهل الشمالْ
و يرجع الأمر الجميل
زمن الرسالة و الجمالْ
و السلام هو الحياهْ
هو الوفاء من غير وشاهْ
إمتىَ
نقول للدنيا لا
للشر لا
للحزن لا
إمتىَ الحب ف القلوب
يثور على كُره الجُناهْ
إحكم يـ حب دولتك
إنت الوجود من غير رصاصْ
لو الضمير عين بسمتك
يبقىَ الخلود هو الخلاصْ
و اسمعوا يـ مسلمين
يا نصارى يا يهودْ
دة ربنا سخَّر لنا
كل خير من غير حدودْ
والأنبياء كانوا الحُماهْ
من غير حضارة و أى جاهْ
إمتىَ
نقول للدنيا لا
للشر لا
للحزن لا
إمتىَ الحب ف القلوب
يثور على كُره الجُناهْ
الشمس شعرها دهب
نور للصغير و الكبيرْ
و القمر م فـ يوم ضحك
للغنى و ساب الفقيرْ
يا رب الأسياد و العبيد
و السود و البيض تحت السماءْ
كل الطبيعة يـ ابن آدم
تخدمك من غير عناءْ
الرب قال كدة للحياهْ
سبحانه لا رب سواهْ
إمتىَ
نقول للدنيا لا
للشر لا
للحزن لا
إمتىَ الحب فـ القلوب
يثور على كُره الجُناهْ
القاهرة - جمال الشرقاوي -
كاتب و شاعر -
من إنتاج التسعينات
ليست هناك تعليقات:
إرسال تعليق