أنا عايز ابعد يا هوىَ ــ
أسد الشعر العربي ( جمال
الشرقاوي )
أغنية \ أنا عايز ابعد يا هوىَ
\
كلمات و ألحان و توزيع : شاعر
الأغنية العربية \ جمال الشرقاوي \
حقوق الطبع و النشر و التوثيق محفوظة للكاتب الشاعر الأستاذ : جمال الشرقاوي \
أنا عايز ابعد يا هوىَ
و انسىَ الصبابة
و انسىَ جراحَك يا هوىَ
من غير ملامة
كل الكلام بينا اتنسىَ
كل اللي كان بينا اختفىَ
م بقاش له عازة
أنا عايز ابعد يا هوىَ
و انسىَ الصبابة
و انسىَ جراحَك يا هوىَ
من غير ملامة
أنا كنت فاكرَك يا هوىَ
فجر السنين
و الحلم كان بينا لُـقَا
أخضر جنين
أتاريني كنت فـــ ليل عذاب
و عليه ضبابة
أنا عايز ابعد يا هوىَ
و انسىَ الصبابة
و انسىَ جراحَك يا هوىَ
من غير ملامة
م كانش من حقَّـك
تقول اللي انتَ قولته
كنت عايز تعمل ايه
غير اللي عملته
سهل يوم انَّك تبيع
مفهاش غرابة
أنا عايز ابعد يا هوىَ
و انسىَ الصبابة
و انسىَ جراحَك يا هوىَ
من غير ملامة
أنا قلبي الطيب مفهمش
من البداية
إنَّك بحر بموج غريق
ملوش نهاية
و عرفت إنَّك مش حبيب
و لا م الصحابة
أنا عايز ابعد يا هوىَ
و انسىَ الصبابة
و انسىَ جراحَك يا هوىَ
من غير ملامة
القاهرة \ ديسمبر \ الجمعة 8 \
12 \ 2022 م
الساعة 8 صباحاً \ أسد الشعر
العربي ( جمال الشرقاوي ) كاتب و شاعر و باحث \
