آخر مَرَّة انا شوفتها
أسد الشعر العربي ( جمال الشرقاوي )
يكتب : أغنية \ آخر مَرَّة انا شوفتها \
نظم : شاعر اللسان العربي : الشاعر المصري \ جمال الشرقاوي \
حقوق الطبع و النشر و التوثيق محفوظة للكاتب الشاعر الأستاذ \ جمال الشرقاوي \
الإهداء : إلىَ راحلة ... نسألكم الدعاء
آخِر مَرَّة انا شوفتها
كان من سنين
سنين تعبت فــ عَدَّها
تَمَن سنين
غياب يـــ عيني
جاب وراه كتير غياب
خَلَّاني قاسي
لأ نسيت عِشْرِة سراب
لمَّا راحت
خدني ليها أه الحنين
آخِر مَرَّة انا شوفتها
كان من سنين
وردة راح منها الشباب
مخطوفة لسَّة فـــ عزَّها
ليها صورة
حلوة عندي بحبَّها
يـــ ألف أه ع القدر
و كإننا ملناش تمن
بيجيبنا و يِـوَدِّيِـنَـا
العمر ضاع و هَجَر
قول يا تَرَىَ
الدور اللي جَيِّ هيبقىَ مين
آخِر مَرَّة انا شوفتها
كان من سنين
نصرخ و مين يسمعنا
الجرح أه بيوجعنا
أصل الفراق قاسي
لو روحْنَا إيه يرجَّعنَا
لسَّة هنحلم
لسَّة هنبكي
ع اللي فات
لسَّة هنتعب
ياما ع الضحك اللي مات
يـــ رَبِّ مين يرحمنا
يـــ رَبِّ غيرك مين
آخِر مَرَّة انا شوفتها
كان من سنين
آخِر مَرَّة انا شوفتها
كان من سنين
سنين تعبت فــ عَدَّها
تَمَن سنين
غياب يـــ عيني
جاب وراه كتير غياب
خَلَّاني قاسي
لأ نسيت عِشْرِة سراب
لمَّا راحت
خدني ليها أه الحنين
آخِر مَرَّة انا شوفتها
كان من سنين
القاهرة \ مايو \ السبت 25 \ 5 \ 2024م ــ الساعة 30 و 11 ليلاً ــ أسد الشعر العربي ( جمال الشرقاوي ) كاتب و شاعر و باحث \
ليست هناك تعليقات:
إرسال تعليق