أنا كاتب و شاعر و باحث جماهيري و ليس للنقاد ـ
أغنية \ بيَّاع قلوب \ للشاعر المصري \ جمال الشرقاوي \
بيَّاع قلوب
أسد الشعر العربي ( جمال الشرقاوي )
يكتب : أغنية \ بيَّاع قلوب \
( سوق الدنيا )
من شعر : الشاعر المصري : جمال الشرقاوي \
بيَّاع قلوب
و عندي قلب اهو مجروح
يـــ مين بس اللي شاريني
بقلب ينُوح
و مستنِّي سنين عمري و بتعدِّي
و انا ماشي في خطوتَها منين بتروح
بيَّاع قلوب
فـــ سوق الدنيا
ناس رايحة و ناس جَيَّهْ
ببيع قلبي
بنادي عليه أنا لوحدي
و كل عيون تِبُصْ عليه كدة شِوَيَّهْ
و ناس تجري
لا بتسمع و لا تَهَدِّي
و احكي لمين
أحكيله حكايتي و ابُوح
بيَّاع قلوب
و عندي قلب اهو مجروح
يـــ مين بس اللي شاريني
بقلب ينُوح
كنت فاكر يوم إنِّي ( فَلَنْتِينُو )
أو ( رُوميو ) اللي بيشاور بطرف عنيه
لقيت قلبي و كل الناس لا شايفينُه
أتاريني صِغَار و كل العمر عدَّىَ عليه
و انا ماشي ورا الدنيا كَطِير مدبوح
بيَّاع قلوب
بيَّاع قلوب
و عندي قلب اهو مجروح
يـــ مين بس اللي شاريني
بقلب ينُوح
و مستنِّي سنين عمري و بتعدِّي
و انا ماشي في خطوتَها منين بتروح
بيَّاع قلوب
زَمَنَّا لا فيه شوق ( قيس ) و لا ( عنتر )
و لا ( عبلة ) و لا ( ليلىَ ) بقلب اخضر
كل الناس تقول الحب بلسانها
و ملهاش قلب بتغنيه و لا تقدَّر
و ريحة الكدب جُوَّاهُمْ غدر يفوح
بيَّاع قلوب
بيَّاع قلوب
و عندي قلب اهو مجروح
يـــ مين بس اللي شاريني
بقلب ينُوح
و مستنِّي سنين عمري و بتعدِّي
و انا ماشي في خطوتَها منين بتروح
بيَّاع قلوب
القاهرة \ نوفمبر \ الجمعة 3 \ 11 \ 2023م ــ
الساعة 6 مساءً \ أسد الشعر العربي ( جمال الشرقاوي ) كاتب و شاعر و باحث \
ليست هناك تعليقات:
إرسال تعليق