لمَّا تزعل منِّي ــ
أسد الشعر العربي ( جمال الشرقاوي ) ــ
أغنية \ لمَّا تزعل منِّي \ ــ
من كلمات : شاعر الأغنية المصرية \ جمال الشرقاوي \ ــ
حقوق الطبع و النشر و التوثيق محفوظة للكاتب الشاعر الأستاذ : جمال الشرقاوي \
لمَّا تزعل منِّي
نِفسِي أزعل منَّك
م ارجعلَكش يوم
لكن اللي انتَ قولته
و اللي انتَ عملته
خلَّا الأحزان تدوم
مهما قلبي عاتبَك
قولِّلي ازاي احاسبَك
روحي فيك و جنبَك
يـــ شمس م بين غيوم
يـــ حاجب فوق عنيَّه
تتكبَّر ع اللي فيَّه
كان كتير عليَّه
منَّك معرَفش نوم
لمَّا تزعل منِّي
نِفسِي أزعل منَّك
م ارجعلَكش يوم
جرحتَك غصب عنِّي
يـــ جرحي و حتَّة منِّي
يـــ غزال شارد فـــ حضني
وردة فـــ شجرة كروم
جايلَك ندمان عليك
و لا كنت نسيت عنيك
مشتاق و الحب ليك
يـــ قمر بين النجوم
لمَّا تزعل منِّي
نِفسِي أزعل منَّك
م ارجعلَكش يوم
لكن اللي انتَ قولته
و اللي انتَ عملته
خلَّا الأحزان تدوم
القاهرة \ يونيه \ الثلاثاء 6 \ 6 \ 2023 م
الساعة 38 و 9 مساءً \ أسد الشعر العربي ( جمال الشرقاوي ) كاتب و شاعر و باحث \
ليست هناك تعليقات:
إرسال تعليق